Pi Suh Kyi Inn Ah Riantuan Asi Mi Pakhat Corona-virus Hmuh Asi

Tu zing ngamdamnak lei zung in an thanh mi ah covid-19 hrik hmuhmi minung 2 an i chap ti asi. An 2 in Bahan myo ah aum mi an si i pakhat hi inn number 54 ah aum mi asi tiin doctor Myo Ngut nih 7 Days News sinah a chim.

Zawtnak hmuh thar mi minung pahnih hi 50 minung pa veve an si i an history kong le siizung kal pinak kong cu ngamdamnak lei zung nih tuanvo lak dih asi tiin doctor Ni Ni Taw nih a chim.

NLD Party chungtel doctor Myo Ngut nihcun kan nih zong mah thawng hi kan rak theih ko. U Htay (inn number 54 ah rian khinhmi) sinah hrik hmuh asi tikah Phonggyi siizung ah chiah asi. Zei dang dang cu tlamtling in kan mah sin zong a phan rih lo tiah a chim.

U Htay kum 50 hi inn number 54 ah caantling rian khinhmi asi i Yangon division, Koh-hmu myo ah ummi asi. NLD party chungtel asi vemi Monewya Aung Shin nihcun inn number 54 ah caantling riankhinh mi minung 5 leng an um i kum 40 in 50 kar minung an si tiah a chim.

Inn number 54 hi NLD Party lutlai Pi Suh Kyi Yangon aum lio ah a rak umnak inn asi.

Be the first to comment on "Pi Suh Kyi Inn Ah Riantuan Asi Mi Pakhat Corona-virus Hmuh Asi"

Leave a comment

Your email address will not be published.


*


This site uses Akismet to reduce spam. Learn how your comment data is processed.