Rithaisi Lemmi Hringtu A Pa Ruangah A Caan Zat Hlan In A Nunnak A Liammi Kum 24 Nungak Note

Zapi kan theih cio bantuk in Karen ramtthen hmun cheukhat cu rithaisi a tam, hriamtlai phu an cawlcang hna i kawl ralkap zong duh paoh in an tlong leng ve hna. A liamcia March 24 ahkhan Hpa An pengkulh Hkalohnuh peng Ung Ta Pyin khuate ah high school siangngakchia ca a chimtu sayama nu pakhat cu hringtu a pa cia kut lila in a nunnak a liam.

Hi sayama nu a thih ning hi zeidang ruang rak siloin hringtu a pa he bia an rak i al ruangah asi. Thil sining ah pafa hna hi bia an rak i al hmasa i a pa nihcun a kut put mi bom cu a kut cung lila ah a puah ter. Hringtu a pa cu cuka hmun ahcun a nunnak a liam beh i a fanu sayama nu tu cu sizung an phanh pi hnuah a nunnak a liam ve. Hi sayama nu hi a min ah Naan Myint Myint Htay asi tiah theih asi.

Hika khua hrawng hi rithaisi a tamtuk pinah lawngkasa celh awk zong a um len rih hna tiah theih asi. Hi sayama nu hi kum 24 minung asi i harsa ngaiin sayama dirhmun tiang a phanh ter hnuah rithaisi in a hrutmi hringtu a pa le a cawmkeng tu asi mi lila nih khua fak deuh ruat kho tilo in a nunnak a laak hi asi.

Be the first to comment on "Rithaisi Lemmi Hringtu A Pa Ruangah A Caan Zat Hlan In A Nunnak A Liammi Kum 24 Nungak Note"

Leave a comment

Your email address will not be published.


*


This site uses Akismet to reduce spam. Learn how your comment data is processed.