Sai Sai Maw Cu Tlawmpal A Ngandam Hnu Ah Rithaisii Nih A Lem Than Lung Molmok In A Vak

Sai Sai Maw cu hmat-pong-tin, a dang cahnah le phaisa pawl cu plastic chungah a rawn hna i a hngawng ah a awih hnu ah a mah lawng a vak.

Sia Sai Maw i a nupi Khay Lar Moe nih Sai Sai Maw rithaisii a pe tu pohpoh chungkhat an si zong ah a hohmanh hual loin taza ka cuai dih hna lai tiah a ti.

Khay Lay Moe nih a chimnak ahcun zahan zan suimilam 11 hrawngah hmat-pone-tin le phaisa pawl cu plastic in aa rawn i a hngawh ah a awih i lam cungah a vak. Hlemh zong ah a duh lo. Tlerh zongah a ngai lo. Zankhua dai ih kho loin a kan tuah.

Mah tluk zawtnak tihnung lah ah Insein lam lei ah a mah lawng a vak thlauhmah. Zaan ah ih loin kan hngah mi cu chikhat te kan mit kan i chih kar ah inntawh vialte a kan hrenh khanh dih i a kan vah tak.

Ka nu nih thangpang a theih i a kan hloh tikahcun inn thawh vialte a leng lei in a kan hrenh khan dih. Dum innka tlang in ka kai i ka val kawl. Lam cungah a hohmanh ka hmu hna lo i ka tih pah caah ka rak kir tthan. Ka nu ka auh i ka nu he kan va kawl than.

Min-gyi lam lei ah kan va hmuh. A ken mi hmat-pong-tin le phaisa cu kan lak piak. Inn tin pi ding in kan lem zong ah a duh lo. Inn ah kan fapa te lawng a um ti zongah ka thlah ko uh, ka kal tak ko uh a kan ti. Nan ka thlah lo ahcun ka au lai tiah a ti. A chim tamtuk cang hi a hmat-pong-tin le phaisa cu kan pek tthan.

Sai Sai Maw hi ka keng fak dih lak in ka puak caan hi a tlawm ti lo. A ek ka fim piak mi zong hi a tlawm ti lo. A sinah zeihmanh ruahchan mi ka ngei lo. Rithaisii sal chung in ka rak khamh mi a voi tam tuk cang. Nai tan siizung a um lio ah na nupi dang pawl le na fale dang pawl ahosin poh, na duh biknak ah na kal kho tiah ka rak ti.

Nang mah sinah um ka duh ko tiah tah buin a ra ka nawl. Hi ruangah ka rak umter mi asi. Sai Sai Maw hi a chuap zong a tha lo, a kal zong a tha lomi asi. A tu lio tihnung zawtnak lak ah a mah lawng in pakhat khat rak cang sehlaw keimah lung cung ah a si hoi lai” tiin Saw Sai Maw a nupi Khay Lar Moe nih a rak langhter. Khay Lar Moe, MICT

Be the first to comment on "Sai Sai Maw Cu Tlawmpal A Ngandam Hnu Ah Rithaisii Nih A Lem Than Lung Molmok In A Vak"

Leave a comment

Your email address will not be published.


*


This site uses Akismet to reduce spam. Learn how your comment data is processed.