Singapore In A Rak Kirmi Kawl Ram Nu Zawtnak A Ngei Tiin Siizung Ah A Chiah Mi Cu

Feb 5 ah Singapore in a rak kirmi kawl ram nu kum 29 cu zawtnak a ngei lo tiah ngandamnak lei zung nih thawng an thanh cang. Mah minu hi Singapore ah zawtnak a ngei an timi nu pakhat he niahnaim tuk in a um ti mi an si. Kawl ram lei a rak phak ah Wai-ba-ki siizung ah zawtnak ngei lunghrinh mi tiin an rak chaih mi asi.

Kawl ram ah zawtnak ngei in lunghrinh mi minung 21 an si i siizungah an rak zohkhenh mi hna an si. Hi chungah minung 13 cu (lab) result an hung chuak i zawtnak an ngei lo tiah tu ni ah ngandamnak lei zung nih an thanh cang. Hi zawtnak a ngeilo tiah result a chuak mi chungah Singapore in a rak kirmi nu zong hi a tel tiah Feb 15 ah an thanh.

Tu lio tihnung zawtnak a ngei tiah lung hrinhmi pawl kong i nikhat an si ning cu ngamdamnak lei zung nih an rak langhter lengmang. Feb 10 lio ah Singapore in a rak kirmi nu cu a tak a lin tuk i siibawi te an lung hring tuk tiah an rak an rak langhter. Hi lio ah zawtnak a ngei cang tiah thanwg a rak thang dih manh cang.

A tu ahcun zawtnak a ngeilo tiah an hun thanh khawh cang. Cun zawtnak a ngeilo tiah result a chuakmi minung 13 kong zong an rak thanh chih. Minung 21 chung in 13 cu result a chuak cang i a tangmi pawl kong zong a hnu ah langhter asi rih lai tiah an thanh.

Be the first to comment on "Singapore In A Rak Kirmi Kawl Ram Nu Zawtnak A Ngei Tiin Siizung Ah A Chiah Mi Cu"

Leave a comment

Your email address will not be published.


*


This site uses Akismet to reduce spam. Learn how your comment data is processed.