Thlopbulnak A Rak Ngeihlo Ruangah Malaysia Khuasa Kalay Myo Lei Mi Pa Pakhat A Nunnak A Liam

Malaysia ah hlawhfa in khua a sa mi Myanmar pa Ko Maung Maung timi kum 34 cu TB zawtnak a ngeihnak a sau ngai cang nain rian a ngeihlo pinah passport UN card tibantuk a ngeihlo caah sizung kal ngam loin le kalnak ngeilo in a rak um.

Amah hi Malaysia ram Muar khua ah a rak um nain a hawile umnak Malaysia ram Balakong khua lei ah a rak i tthial. Cuti a hawile sin a umnak ahcun a zawtnak a zual chin lengmang i Balakong khua ummi phungki pa pakhat an va panh.

Phungki pa nihcun Malaysia ummi Myanmar rammi mi bawmchan tawntu phu bawmh a hal piak hna i cu hna phu nihcun Kajang khua sizung ah an rak kalpi colh. Kajang khua sizung emergency khan ah an rak luh pi colh nain sizung a phanhnak suimilam 1 hrawng a rauh hnuah ngaihchia ngaiin a nunnak a liam colh.

Sibawi te nih Ko Maung Maung hi tuan tein si a rak i thlopbullo caah a nunnak a liammi asi tiah an chim. Kawlram lei ummi a chungkhar an chawnhbiak hna hnuah Ko Maung Maung ruak cu chiatthat zohkhennak phu nih Cheras thlan hmun nizaan ahkhan an vui.

A thimi Ko Maung Maung Myanmar ram a umnak hi Sagaing ramkulh Kalay khua Gyuh Tung Pyin sang Naymay 4 ah asi tiah theih asi. Nizaan September 19 ah a ruak an vui hi asi. Source:LH

Be the first to comment on "Thlopbulnak A Rak Ngeihlo Ruangah Malaysia Khuasa Kalay Myo Lei Mi Pa Pakhat A Nunnak A Liam"

Leave a comment

Your email address will not be published.


*


This site uses Akismet to reduce spam. Learn how your comment data is processed.