Tuluk Ram I Hneksaknak An Tuah Mi Pakhat Nih Vawlei Pi A Lau Ter Dih Tthan

Tuluk ram ah hneksaknak an tuahmi pakhat cu siibawi thiamsang tampi nih an soisel taktak. Spain sii lei thiamsang pawl nih minung takpum chungah a ummi Stem cell le zawng (chimpanzee) i a ci (bawhang) cawh in minung caah a herh mi taksa thlennak caah a herh mi zawng cikor tampi serkhawh nak cu Tuluk ram ah an hneksak an tuah khawh cang.

Hi ti hneksaknak an tauh mi hi a tlam a tling kho cang i zawng cikor zong an keuhter khawh cang lai tiah an ti. An rak hneksak dan cu minung ah a um mi stem cell kha zong i a cikor (hang) he an cawh i zawng a nu chung ah an rawn. Stem cell hi minung i kan ruh le tissue a karter tu asi. Zawng nu cung ah an rawn mi ruangah zawn nu cu nau a pawi i Zawng le Minung bantuk a cawh mi zawgfa ngeih ding asi.

Zawn nu nih a pawi lio mi nau cu ni 14 asi hnuah an tluak rawk ding in an tuah hna i tihmi ngeilo dingin an tuah piak hna. Spain i tiamsang pawl nih a zapi in cun chimphuan an duh lo i Spain ram ah tuah a ngah lo caah Tuluk ram ah an rak tuah hi asi. Hi hi zawtnak a ngeimi pawl takpum thlen i thlop a haumi caah ruah in tuah asi tiah Estrella nih a chim.

Cikor (gene) hi cotrol tuah kho loin saram thuak chungah minung thlauk hi va i rawng seh law zeidah a lawh hnga timi kong zong Dr. Angel nihcun a chim. A dang siilei thaimsang pawl nih fak piiin an rak soisel ko bu ah mah hneksak nak cu Tuluk ram ah an tuah khawh cang. Hi nih a chuah pi lai dingmi thatlonak vialte cu vawlei pi nih intuar asi te hoi lai. A tu ahcun result cu an chauh kho rih lo. Ref: Dr. Min Nwe Khant

Be the first to comment on "Tuluk Ram I Hneksaknak An Tuah Mi Pakhat Nih Vawlei Pi A Lau Ter Dih Tthan"

Leave a comment

Your email address will not be published.


*


This site uses Akismet to reduce spam. Learn how your comment data is processed.