U Ko Ni Le Taxi Driver Pa Nay Win Kongah Dantaknak A Nem Tuk Caah Fak Deuh In Dantaknak Tuah Dingin Sihni Pawl An I Zuam Than

U Ko Ni le Ko Nay Win thihnak kongah ta-ya-khan pawl dantaknak an pekmi a din tuk caah hinak fak deuh in dantatnak tuah ding in sihni pawl tan an la than cang.

“Keimah nih Zay Ya Phyo taza ka cuaimi cu pohmah 302/34/109 asi. Hi chungah pohmah 201 lawng in dantatnak an tuah piak. Mah ka hrimhrim in hin aa palh cang. Aa palh cang ti kan theih ah zung ah step by step in kan chuah pi than. Hi ruangah a-yu-khan lak than ding in kan tuahnak asi” tiin U Ko Ni chungkhar sihni U Khine Mg Htay nih a chim.

Pohmah 201 hi sual an tuah lio ah a tel i tlik le zaam a tim mi an zaam khawhnak ding ah a bawmtu kha sualphawtnak pohmah asi. Pohmah 109 hi sual an tuahnak ah a hmun ah an umlo zong ah a leng lei in a rak tlaitu (control) kha sualphawtnak pohmah asi.

Pohmah 201 hi a sang bik dantatnak pekmi thong kum 7 lawng asi. U Ko Ni an rak thatnak hi lakhruak in an thatmi asi lo i timh ciammam tein an rak thahmi asi. Hi ruangah U Ko Ni thihnak kongah a telmi pohpoh cu vawlei dengtiang an kawl hna i dantatnak an pek awk hna asi tiin sihni U Khine Mg Htay nihcun a chim.

Tu tiangah U Ko Ni le taxi driver Ko Nay Win thihnak kongah tayakhan chungin dantaknak an pek mi hna pahnih cu Zay Ya Phyu le Aung Win Htun an si. Zay Ya Phyu hi kum 5 thong le Aung Win Htun hi kum 3 thong tiin bia an chah. Lockup an um mi he tuah ahcun a chuak beh ding hmanh an si cang.

Hi kongah sihni Robert San Aung nih a chimmi ahcun pohmah thlen piak i a nem mi dantaknak an pek lengmang tikah kawlram pi biacaihnak ah dinnak aum kho ti lo. A sangnak biachiah zung (High Court) pawl ahcun a-hmuh a sangmi kha a san ningin biachahnak tuah ding ti aum. A ruang cu mah bantuk kha a hnu ah a caan tilonak hnga caah asi.

K-long U Saw lio zongah a-hmuh ning bak in biachahnak ah tuah tikah kum 30,40 chung cu a rak nguh bak. A tu zong hi bantuk a-hmuh sangmi a can tilonak dingah le U Ko Ni le Ko Nay Win te kong hi a thar in zohfel thannak ding le hinak fakdeuh in dantatnak pek dingin ayukhan kan rak kai thannak asi tiin Ko Nay Win i a nupi Daw Suh Thet Khine i sihni Robert San Aung nih a chim.

Be the first to comment on "U Ko Ni Le Taxi Driver Pa Nay Win Kongah Dantaknak A Nem Tuk Caah Fak Deuh In Dantaknak Tuah Dingin Sihni Pawl An I Zuam Than"

Leave a comment

Your email address will not be published.


*


This site uses Akismet to reduce spam. Learn how your comment data is processed.