Valentine’s Day-a Nula Leh Tlangval In Date Lai Rulin Chuk Hlum

Valentine’s Day-a nula leh tlangval hlim taka lengdun lai chu rulin a chuk hlum tih hriat a ni. He thil hi Bago ram bungkhat, Ngeulaypin thingtlang khawbula thleng a ni. He vanduaina tawk tate hi kawl nula leh tlang an ni tih hriat a nia an lainatawm kher mai. An hlimna ni ber tura an ngaih chu an tan khawvel eng an hmuh tawp ni a lo ni ta si!

He thil thleng mita hmutu U Soe Than Aung sawidanin, zing dar 10 vela ram lam hnathawk tura a kal laiin nula leh tlangvalte chu hlim taka an thutdun lai a hmuh thu a sawia, an in date na hmun chu kawngkam mai a nih avangin a hmuhtlang theih vek niin a sawi. Tianga hlim taka hun an hman mek lai chuan an chungah thihna chuan ro a rel ta a ni.

Hetia hlim taka Valentine’s Day hmanga inthlahlel taka an awmdun lai chuan vanduaithlak takin rul a lo kala a mipa zawk chu rawn pan nghalin a chuk nghal ta maia, a hmeichhe zawk pawh chuan a hlau em em maia rang taka tho in a mipa zawk chu lo chhan a tumin a lo bei let ve a mahse, a ni pawh rul hian chuk ve nghalin a thih phah ta a ni.

He nula leh tlangval lainatawm takte hi rul chukna avang liau liau in an boral phah ta! An va khawngaihthlak em! An sawidanin hemite pahnih hi khawi khua nge tih leh khawilam mi nge tih pawh an hre mai thei lova, Valentine’s Day hun hlu tak chu an tan thihna ni ah a chang ta si.

He Valentine’s Day a thihna thleng hian mi tam tak ngaihtuahna a tibuaiin lainat an hlawh hle a ni. Mi zawng zawng hlimna ni leh hun hlu ber mai chu an tan vanduaina rapthlak berah a chang ta a ni.

Ngenna: Kan Website a thuziakte lak chhawn leh hmundanga post chhawng lo turin kan in ngen e.

Be the first to comment on "Valentine’s Day-a Nula Leh Tlangval In Date Lai Rulin Chuk Hlum"

Leave a comment

Your email address will not be published.


*


This site uses Akismet to reduce spam. Learn how your comment data is processed.