Zarchi Myint Myat Tawh A Thlaunak Pawng Ah Mithla An Hmuh An Ti Len Mi Cu Hi Tu Hi A Rak Si Diam

Zwegabin tlang i amah lawng a kai mi nungak nu Zarchi Myint Myat cu June 25 ah a rak tlau i June 27 ah lungpang tangah a ruak i an rak hmuh. Mah tlang hi kawlbiaknak pawl nih a thiang tiah an ruah mi tlang asi i mah ti a ruak i an hmuh hi amah te i thah siloin pakhat khat kutneh asi ko lai tiah an rak zumh.

Nungak nute ruak an hlai ningin result an chuah i a thluak a rak i khawngdeng, a ke a kiak, lungpang in a tlaknak ah a chung lei a rak man dih cang tiah an rak langhter. Hibantuk hliamhma pawl ruangah a nunnak a rak liamnak hi asi tiah an rak fehter.

A ruak vialte an check dih hnuah midang pakhat khat nih tuah mi zeidang aum lo. Zarchi Myint Myat a thih ning hi amah te biachahnak a tuahmi asi tiah palik lei zong in fehter asi ve. Adang purhdah mi le sualpuh mi aum ti lo. Zarchi Myint Myat konglam cu hika ahhin a donghnak asi cang ko tiah an rak thanh.

Kawl media cheukhat nih Ma Zarchi Myint Myat tawh a thlau nak pawng ah samsau nawn mithla hmuh asi tiah an rak ttial mi a um hoi. Mithla asi an ti mi cu cuka hmun a phan ve mi minung taktak nu pakhat tu a rak si diam. A cung hmanthlak khi mithla an timi nu cu a rak si. Source:KNC

Be the first to comment on "Zarchi Myint Myat Tawh A Thlaunak Pawng Ah Mithla An Hmuh An Ti Len Mi Cu Hi Tu Hi A Rak Si Diam"

Leave a comment

Your email address will not be published.


*


This site uses Akismet to reduce spam. Learn how your comment data is processed.