Vanlalchhuanmawia
Mizo Literary Criticism bul tan leh than chhoh dan chungchang sawi apianga kan sawi hmaih leh lam hmaih loh tur chu Zikpuii Pa hnathawh leh pawimawhna hi a ni awm e. Zikpuii Pa tia kan hriat lar hi a hming tak chu K.C. Lalvunga a ni a, a pa chu Hrawva niin anu chu Lalluii a ni. Ni 27, December 1929 khan lo piangin, kum 1953 khan B.A. a zir zo a, kum 1962-ah I.F.S. (Indian Foreign Service) ah inziak tlingin Mizo zingah Indian Ambassador puitling hmasa ber niin khawvel ram hrang hrangah hna pawimawh tak chhelhin a awm kual thin a ni. A hna atanga a pension hnua Mizorama an rawn let leh hnuin, nat lawk em em pawh awm lovin a chau thut a, kum 1994, October 10 khan a boral ta a ni. K.C. Lalvunga hian a thu ziak reng rengah Zikpuii Pa tia a hming a ziah vek thin avangin Zikpuii Pa tia hriat lar a lo ni ta a, Zikpuii Pa tiin kan sawi zel dawn a ni.
Citation: Vanlalchhuanmawia. (2025). Mizo Literary Criticism Huanga Zikpuii Pa Pawimawhna. In Mizo Journal (Vol. 1, Number 1, pp. 15–17). Mizo Journal. https://doi.org/10.5281/zenodo.15714930